आपल्या सर्वांच्या सहकार्याने संधी मिळाली. मात्र, तिला वाया जाऊ दिलं नाही. झपाटल्यासारखं जनतेच्या प्रत्येक कामाला धावून गेलो. जिथे कमी तिथं मी या उक्तीप्रमाणे प्रत्येकासाठी उभा राहिलो. पुन्हा 2012 साली मी विजयी झालो. मग मी मागे वळून बघितलेच नाही. आज आपल्या सर्वांसमोर विकासकामांचा डोंगर उभा केला आहे. जो शब्द...जे वचन माझ्या प्रभागातील जनतेला दिलं होतं. तो प्रत्येक शब्द मी विकासकामांच्या माध्यमातून आज पुर्ण केलाय. विरोधी पक्षात असूनही माझ्या प्रभागात सर्वात जास्त जनहिताची कामे आणि विकासाचे मोठे प्रकल्प उभे राहिले आहेत. बाळासाहेब ठाकरे व्यंगचित्रकार कलादालन, बाळासाहेब ठाकरे दवाखाना, राजमाता प्रसुतीगृहाचे बांधकाम, मोफत रुग्णवाहिका, शाळांचे नूतनीकरण, महापुरुषांच्या पुतळ्यांच्या संरक्षणासाठी बांधलेल्या मेघडंबरी, वाहतूकीच्या कोंडीचा प्रश्‍न सोडविण्याकरिता उभारण्यात आलेल्या स्वारगेट उड्डाणपुलाला मंजूरी मिळवण्यात सिंहाचा वाटा, प्राचीन मंदिरांचे नूतनीकरण, प्रभागातील रस्त्यांचे कॉक्रीटीकरण, रस्त्याच्या बाजूने स्टँप काँक्रीट करून रस्ते सुशोभित केले, सांडपाण्याच्या नियोजनासाठी नविन ड्रेनेज लाईन्स, घरांवरील धोकादायक विद्युत तारा भुमिगत केल्या, सार्वजनिक शौचालयांची पुनर्बांधणी, पाणीप्रश्‍न सोडविण्यासाठी विविध ठिकाणी बोअर वेल्स व्यवस्था केली अशी नागरी सुविधांची अनंत विकासकामे पार पाडत असताना नागरिकांचा विकास कामात सहभाग देखील मी मोलाचा मानला. मला खुप समाधान वाटतयं. मी जिथे होतो तिथेचं आहे. डोक्यात यशाची आणि विजयाची कधी हवा जाऊ दिली नाही. मी काल होतो, आज आहे, उद्या ही असेन न थकता...न थांबता... सदैव आपल्या सेवेसाठी. श्री. अशोक उर्फ विष्णू सुर्यभान हरणावळ नगरसेवक, पुणे महानगरपालिका, शिवसेना.